|
Temas
Archivos
Enlaces
Curiosidades varias
O cine
O deporte
O galego
A música
A publicidade
A televisión
Información
Política
Galicia
HAI QUE BOTALOS!
Humor
Buscadores
Radio
Diarios
|
Se muestran los artículos pertenecientes al tema A publicidade.
Aquí colócovos unha ligazón en Youtube (tamén o tedes na parte da esquerda) Este é un traballo que fixemos para Tecnoloxía nos Medios Audiovisuais. A idea xurdiu a partir da música... Escoitando a BSO da peli The Full Monty apareceu esta anuncio para unha bebida enerxética... Espero que vos guste e que vos riades con este traballo...
P.D.Levounos gravalo tan só vintecinco minutos... A montaxe foi menos doada... Aquí colócovos unha ligazón en Youtube (tamén o podedes ver na parte esquerda) Estes estudantes de publicidade teñen cada vez máis ideas disparatadas pero simpáticas e sempre con sentido do humor. Estes amigos fixeron un spot de botas de fútbol cambiando totalmente as ideas que as grandes axencias teñen deste deporte. A seguir con ese labor tan bonito.... Descarga aquí o anuncio de Axe (4shared.com) Arriba tedes o anuncio para velo no reproductor Youtube Estou a realizar un traballo para socioloxía do consumo no que realizarei un estudo sobre o consumo de deodorantes. Para elo, centrareime nos deodorantes masculinos, e, principalmente, na marca Axe. O estudo da súa publicidade e das súas campañas, paréceme máis que interesante... Por tanto, móstrovos un spot arxentino que non deu chegado aquí e que nunca vistes... Considero que non ten nada que ver coa liña que Axe seguiu nas súas campañas (márcalles o camiño, academias Axe Unlimited...) 
Descargáde tódolos arquivos do traballo (xa que a maioría teredes Acrobat Reader, cólgovolos en .pdf, porque en Corel Draw habería máis problemas ). As camisetas de Cinemas da Lúa O cartaz de Somne en Cinemas da Lúa Como serían as entradas do cine? Unha carta de Cinemas da Lúa (Folla 1) As follas empregadas na empresa (Folla 2) Os sobres das cartas que envía a empresa A tarxeta do presidente e o tarxetón para felicitacións Este é un logotipo que lle entreguei onte ó mestre de Producción Publicitaria nos Medios Impresos. O traballo consistía en elaborar unha identidade corporativa gráfica, explicar a tipografía e a variedade cromátiva empregada e aplicar a diferentes soportes o logo. Esta ardua tarexa non sería posible sen a providencial axuda do meu grande amigo Denís, o cal lle agradezo moitísimo que gastara o seu tempo e a súa preocupación en botarme unha man para facer este traballo. Elixín unha sala de cines, por suposto, galega, que emprega coma logo a famosísima lúa dos irmáns Lumière dunha das primeiras películas da historia: Viaxe á lúa, de 1902. Gustaríame que deixarades a vosa opinión do logo, iso si, o mérito atribuidello a Denís que foi o que tiña maior idea de deseño ca min...  As pregrarias de corenta millóns de españois foron escoitadas... Agora a por San Marino... Todos con España (a típica canción de Igrexa de fondo...) Todos ó Mundial...Vaia anuncio máis facha! É incríble como se deixa ver Antena 3 as súas inclinacións cos detalles máis absurdos... É certo que tódolos españois rezaramos para que a selección gañara a Bélxica? É iso un milagre? Paréceme vergonzoso... Non me parece desafortunado que os xogadores se abracen en canto soe o himno, pero si semella triste que o que peor está xogando e aínda por riba é o noso capitán, esté cabeza erguida hacia o ceo... Onde mirará? Que querrá demostrar con iso?? E que foron das críticas ó xogador basco Del Horno, o cal se manifestou antes de Euskadi que español? Pois agora o tedes no banquiño, ou nin tan sequera iso, porque ó seleccionador Luis Aragonés non lle pareceu que sentía as cores... Enfín, unha campaña que menos mal que só durou catro días, porque despois de ter que ir á repesca... Quedaron ben caladiños.... Descarga dende aquí o anuncio de AMSTEL 1Descarga dende aquí o anuncio de AMSTEL 2Estamos ante unha das millores campañas españolas neste ano. A cervexa Amstel decidiu xogar co seu propio nome, facendo unha serie de reclamos publicitarios nos cales empregaba o seu nome para formar un acrónimo. Os dous maís coñecidos son: A: Amigo M: Mío S: Solo T: Tú E: Encuentras L: Leña E... por outra banda... Hai que ter en conta o cabelo... A: Amigo M: Mío S: Si T: Te E: Echaras L: Laca Estes spots foron creados todos a partir das siglas, e coas particulares cancións como fío conductor... Nun, o protagonista é un dianteiro de fútbol que grazas a ter unha particular melena chea de laca, pode consegui-lo triunfo (deste modo, Amstel segue potenciando e dándolle continuidade a súa relazón co deporte rei). Noutro, temos a un home que fai todo polos seus compañeiros cada vez que van de acampada. Tece xerseis, fai tortillas, é o único que ten furgoneta e, por suposto, só el atopa leña. Os spots non teñen desperdicio ningún, ademáis de ter unha música pegadiza que será lembrada sempre...  Moitos de vostedes viron o partido que enfrontou a España contra Bélxica no estadio Rei Balduino de Bruselas. Puideron observar que, nas vallas publicitarias electrónicas sitas nas bandas do campo, os reclamos publicitarios non tiñan pinta de proceder de Bélxica... A non ser que os belgas sexan afeccionados tamén o brandy Garvey da casa da familia Ruiz Mateos, ou teñan a liña ADSL de Ya.com... Antena 3, como boa canle privada, basa o seu presuposto na contratación dos espazos publicitarios, pero... non é isto excesivo? Non se debería respetar a publicidade que colocan os anunciantes belgas? Cánto diñeiro recaudaría Antena 3 con toda a broma?...Sinceramente, o respeto e a cordialidade das canles de televisión non existe. Non só por este incidente, senón por moitos outros que transcorren ó longo dos anos... Non é ilegal colocar anuncios durante os informativos?... Xa todo da igual... Paréce-me unha vergoña. Un cachondeo. Unha falta de respeto. Non entendo como cun tema tan delicado e tan denigrante se pode seguir dando corda. En artigos anteriores, comentei que me semellaba insultante tanto para desportistas como para espectadores que as recogepelotas de ténis fosen modelos de Hugo Boss, e non os chavais e chavalas que con tanto esforzo, lograban que os tenistas tivesen todas as bolas á sua disposición e que a organización dos torneos fose moito mellor esperado. neste anuncio de Kia, vemos como duas rapaces, antes de se meter no seu carro, están a conversar, guardando as compras do dia. Unha pergunta-lle a outra: - ,O que che semella que os recogepelotas sexan modelos?¿É esa unha pergunta frecuente na sociedade? Ten sentido o anuncio? O que relazón exacta teñen os modelos coas propriedades do veículo? Ao entrar no carro, a condutora olla no asento traseiro comproba que ten a tres Ballboys sentados. Os dous comezan a rir de forma toleada e comezan a conducir. Até o momento final no que fala unha voz en off non se cita nengunha propriedade do veículo nen nengunha das satisfacións que nos poda proporcionar o carro... Non sei, un anuncio mais sen sentido, que encima lembra á sociedade que somos tan parvos de pór modelos como recogepelotas. Cada profisional ao seu posto de traballo, sexa home ou muller...  Esta é o slogan da última campaña de Axe, a cal, como todas, degrada á muller ata sobrepasar calquera tipo de linde. Un dos últimos anuncios, está ambientado nun lugar que para todos non é familiar: a universidade. Nunha clase, a unha rapaz quédaselle sen tinta o bolígrafo, e un compañeiro que está atento á escea, míraa con cara de desexo e ofrécelle o seu. A rapaza torce a súa cara e ademais reacciona como se dun ser repulsivo se tratase. Isto pasa o martes. Troco total de panorama. nunha cafetería de clase, un lugar snob e fino, o xove está a tomar un batido de chocolate, alleo a que a súa compañeira (a rapaza do bolígrafo), está ao seu lado. Ela sácalle a copa do batido no momento no que el está absorvendo o líquido pola palliña, e tómalle o relevo, cunha cara de paixón e desexo que deixa ao xove estupefacto. Isto pasa o sábado. É importante destacar a diferenza e o contraste cromático entre unha escea e outra: a universitaria, máis triste e frixa, con cores que convidan á seriedade e á escuridade. Mentres, o sábado, un ambiente mais cálido e con mais colorido, que incita á provocación, a desinhibición e o desenfado. PARA DESCARGAR O VÍDEO DO ANUNCIO, CLIQUE EIQUI!MORALEJA DE AXE: USA AXE OS SETE DIAS DA SEMANA.Desta marca pouco mais hai que dicer. Todo é sabido. Por desgraza, o sexismo e a degradación á muller que a compañía propaga nas suas campañas ten un éxito inimaginabel e son moitos os homes que usan este desodorante, e, dáme a sensazón, que a estratéxia de promoción de Axe é acertada, xa que moitos rapaces pensan, que co desodorante lograrán atraer mais ás mulleres. Considero que o toque humorístico non o perden, pero que abonda xa de tanta parvada. Para ver este anuncio, a través dunha descarga en PUBLI TV, CLICA AQUI!!! Spike Tv é a nova casa da Champ Car e Hunter-Reay e é o canal de televisión líder dirixido ao xénero masculino que chega a máis de 87 millóns de lares. O presidente de Spike TV, Albie Hecht, describe o acontecimento dicendo: “...é un evento activo; é intelixente e contemporáneo con unha personalidade agresiva e irreverente.” Esta compañía está impresionando xa que, como os seus dirixintes dixeron no seu dia: “o que se logrou o dia de hoxe, é un exemplo de dedicación e experiencia e o compromiso que a equipa de Spike e Adam Friedman teñen coa Champ Car. Os fans, patrocinadores, equipas e pilotos, estamos todos no mesmo barco. A temporada 2004 arrincou o dia de hoxe nas ruas de América”. ANÁLISE DO ANUNCIO O rexisto visual - As imaxes: no comezo do anuncio céntranse nos freixós, pero máis tarde o protagonismo é cedido as dúas protagonistas, quen bailan e gozan con eles. Ciñéndonos ós encadres tomados das dúas rapazas, colle destacar os primeiros planos dos peitos. Outras veces aparecen planos de detalle das caras das rapazas, para destacar como acenan e gozan xogando cos alimentos. - Os obxectos: Os freixós son os obxectos non animados de carácter principal, no primeiro plano do spot, ocupan un lugar central e van cedendo protagonismo a favor das dúas rapazas, ainda que seguen aparecendo en case todas as secuéncias do anuncio. Poden considerarse obxectos secundarios os utensilios de cociña utilizados polas dúas mulleres (un batedor, un recipente, unha espumadeira e unha tixela), todos eles de carácter metálico. - As personaxes: Dúas mulleres en bikini, unha delas loira e a outra morena, son as únicas personaxes existintes no anuncio. O máis destacado delas, é a indumentaria empregada, ademáis do contraste existente entre ambas, xa mentres unha delas é de tez branca e pelo loiro, a outra morena de pel e cabelo. - As cores: Ao princípio do spot destaca un xantar típico norteamericano, sobre un fondo verde. No seu desenvolvemento, o máis relevante no que atinxe ás suas cores, é o contraste entre o fondo da imaxe (nunha cor apagada e fría) e a viveza cromática dos alimentos e da vestimenta das rapaces (en ton verde e vermello respectivamente). Saltando deste modo á vista do espectador, os freixós (móbil do anuncio) e as rapazas. Colle destacar a cor gris metálica dos instrumentos de cociña que "empregan" as mozas ao longo do anuncio. Por último, no fondo do final emprégase unha cor similar ao do caramelo para relacionar cos freixós, no que aparece unha xarra derramando un líquido que semella ser caramelo sobre o logotipo do canal ( Spike TV) - Os grafismos: A healthy breakfast: É o slogan do anuncio que significa en castelán, "un almorzo saudabel". neste almorzo aparecen catro ovos fritidos e catro lonchas de bacón. Ademáis, ao final do anuncio, aparece o logotipo do canal (Spike TV)en cor caramelo. O rexisto sonoro - O código verbal: Non se fala ao longo do anuncio, xa que as dúas rapazas se limitan a xogar cos alimentos. - A música: Desenvolve un papel transcendental no spot, xa que é o único rexisto sonoro do mesmo. Ao comezo do anuncio, pódese apreciar un son similar ao canto dun páxaro. Posteriormente, comeza unha melodia de carácter envolvinte, ameno e familiar, que comeza con uns coros de voces femininas, aos que se une a voz cantante, masculina, que é a encargada de cantar a simpática melodia. Destaca a coherencia existinte entre a melodia e os movimentos das rapazas. Colle comentar, que nos últimos compases do anuncio, escoitamos o coro de mulleres cantando o nome da cadea de televisión. Análise e comentário do conteúdo Entendemos que o significado do spot pretende ser, a promoción dun programa de televisión da cadea ameno que se emite á hora do almorzo e vai dirixido a un público masculino. De aí, a presenza das rapazas en bikini xogando co almorzo. no anuncio, as mulleres son presentadas como dous modelos principais: 1. Obxecto sexual: as mulleres están lixeiras de roupa, executando movimentos insinuantes que poden ser similares aos que se realizan durante o acto sexual. Exemplos: - Empregan os instrumentos de cociña coma micrófonos, tamén as barras de pan; - Loitan entre elas a modo de esgrima, usando as barras de pan como espadas. Este detalle, pode lembrar ás loitadoras do barro, prática machista. - Os chiscos de ollos das mulleres poden resultar provocadores e incitadores. - A muller morena morde un freixó de maneira suxerinte. - A muller loira se coloca dous freixós para tapar os seus peitos. - En todo momento, trátase de mostrar, cuns obxectos ou outros, algunha referéncia ao órgano sexual masculino (instrumentos de cociña, barras de pan…) 2. Ama de casa: as mulleres móstranse como cocineras, ao servizo do home para desempeñar as tarefas domésticas na súa totalidade, pero sempre este segundo modelo subordinado ao primeiro, xa que no anuncio curmá o modelo de muller como obxecto sexual. Baixo o noso punto de vista, non comprendemos a finalidade do anuncio, xa que baixo o pretexto de difundir un almorzo típico en Norteamérica, saudabel e lixeiro, colocan ás mulleres como mero obxecto para a satisfación masculina. O xogo destas cos alimentos pode ser unha retranca cara a cociña divertida, ou tamén cara outro enunciado: "Non xogues coa comida, faina ". A imaxe da muller vése totalmente distorsionada, e este spot é denigrante para a muller, porque as maltrata física e moralmente. A sensualidade, a diversión e o goce que transmiten as mulleres son as ideas que os criadores do spot escolleron para captar a atención dos espectadores, e así lograr unha maior audiencia. Imos seguir un guión para analizar este anuncio xaponés dunha marca de xelados. Para a súa descarga vaian á páxina de Vídeos Gratuitos, cuxo rexisto é gratuito e sen nengunha complicación. Así, poderás baixar os anuncios en formato zip ou rar. Aquí teñen a análise... , Desfruten! O rexisto visual - A imaxe: Ao comezo do anuncio emprégase un enfoque xeral que supón o cuarto no que está situada a rapaza, o escenario no que se sitúan e os fotógrafos; seguídamente, céntrase na rapaza que presenta o xelado, destacando os seus peitos como os elementos máis chamativos do anuncio, xa que o obxectivo das cámaras diríxese príncipalmente ós peitos, facendo especial fincapé en primeirísimo plano. Ao final do anuncio, o producto sitúase sobre o centro de atenzón de todo o anuncio, sobrepoñéndose aos peitos da muller, un par de xelados. - Os obxectos: O xelado, en teoría é o obxecto principal, xa que é o producto anunciado, ainda que fica subordinado a un papel secundario debido á presenza da rapaza que o sustén. Este, no desenlace do anuncio adquire un papel simbólico, xa que representa ao membro viril masculino, co cual a muller se diverte e goza. Igualmente, aparecen unha serie de obxectos que manteñen un papel de carácter secundário como son as cámaras, a hamaca ou o fondo de paisaxe... . - Os personaxes: 1. A rapaza: personaxe protagonista que presenta o producto. 2. Os espectadores: fotógrafos (todos homes) que fican embelesados vendo á muller. - As cores: O máis destacado é o forte contraste existinte, entre a rapaza e o escenario situado as súas costas que a ambienta nun lugar cálido e exótico (unha praia con palmeiras e un clima propicio para a súa visita), e os fotógrafos en tons escuros e frios, que pasan case desapercibidos no encadre xeral do comezo do spot, resaltando así a presenza da muller. Ciñéndose á figura feminina, cabe resaltar a cor vermello do bikini vestido por ela. - Os grafismos: O máis chamativo, é o logo da marca de xeados (Akagi) que aparece ao comezo (na parte superior direita) e ao final (na parte inferior esquerda) do spot, xunto co nome do producto anunciado. Finalmente, colle destacar o grafismo en cores: NEW, que indica a novidade do producto. O rexisto sonoro - O código verbal: Existe unha algarabía formada polos fotógrafos ao ver á modelo que anuncia o novo xelado da marca xaponesa. Pódese apreciar unha confusión idiomática, xa que ainda que o idioma que abunda no anuncio é o inglés, existen expresións dos fotógrafos de xúbilo en xaponés. - A música: A música non ten lugar no anuncio, pero si outro tipo de efeitos sonoros como son, os berros do público ou o son da toma das fotografias que lle fan ao modelo. Análise do contido A pesar de que o spot anuncia un xelado da marca japonesa Akagi Nyugyo ( coñecida en todo o mundo polo seu iniciativo de sacar ó mercado xelados para cans, Doggy´s Ice-cream, no 2002), a atención do espectador desvíase intencionadamente cara a rapaza que o presenta, xa que esta, realiza diversos acenos de carácter suxerinte e provocativo. A rapaza realiza unha especie de xogo erótico co xelado, que adquire no desenlace do mesmo, a simbolización do membro reprodutor masculino. Os planos utilizados príncipalmente no texto son os seguintes: 1. Plano xeral: Ao início do anuncio, no cal vemos á muller e ós fotógrafos en toda a imaxe. 2. Planos enteiros: Que encadran ao corpo da muller. 3.Primeiros planos: dos peitos da muller ou da súa faciana, mentres lambe pracenteiramente o producto. As fotografias que os xornalistas quitan á modelo, céntranse nun plano detalle aos peitos da rapaza, pasando por alto o producto que está a anunciar. O fundido encadeado é o recurso empregue para pasar dun plano a outro
|
